Laga

Smellið hér

Laga - Skjalagerð

Laga - Skattamál

Laga - Stjórnsýslumál

umlaga

Laga er í eigu Dúu Þorfinnsdóttur lögfræðings. Dúa er cand. jur frá HÍ 1994, Dúa hefur víðtæka reynslu af vinnumarkaði og þekkir alla ranghala kerfisins. Hjá Laga er boðið upp á hagkvæmar lausnir í öllu sem viðkemur skjalagerð og skattamálum auk þess sem hún veitir ráðgjöf í öllu sem tengist lagalegum gjörningum. Á síðunni má finna einfalda verðskrá en einnig er unnið eftir tímakaupi. Ef einhverjar spurningar vakna, ekki hika við að senda línu eða slá á þráðinn

Dúa er lögfræðingur sem frábært er að geta snúið sér til; hún er eldklár, fljót að greina kjarnann frá hisminu. Hún finnur lausnina. Allra best er þó að hún er einmitt manneskja – lætur sér annt um þann sem leitar til hennar og það er ekki minna mikilvægt en öll heimsins lagaþekking.

— Markús Þórhallsson, útvarpsmaður og sagnfræðingur

Hjá Dúu fékk ég hraða og góða þjónustu. Fagmannleg vinnubrögð og hún gat útskýrt fyrir mér hluti sem ég hafði ekki skilning á áður, á mannamáli, og umfram allt sýndi hún mér þolinmæði. Toppþjónusta á góðu verði.

— Stefán Barði Kristjönuson, framkvæmdastjóri

Dúa veitti mér framúrskarandi, skjóta og ódýra þjónustu. Kona sem kann sitt fag

— Guðmundur Steinsson, áfengis- og vímuefnaráðgjafi

skjalagerd

Gott er að ganga frá sínum málum í tæka tíð ef þú vilt að einhver annar erfi þig en lögerfingjar. Sem dæmi má nefna að sambúðaraðilar erfa ekki hvorn annan nema erfðaskrá sé gerð. Einnig er nauðsynlegt að gera erfðaskrá milli hjóna sem eiga börn fyrir hjónaband til þess að geta setið í óskiptu búi án þess að þurfa að fá samþykki barna og/eða stjúpbarna.

Kaupmáli er gerður fyrir hjónaband eða í hjónabandi. Kaupmáli getur komið í veg fyrir ágreining vegna fjárskipta síðar meir komi til skilnaðar. Eignir hjónanna eru gerðar að séreignum hvors um sig og koma því ekki til skipta við skilnað eins og hjúskapareignir.

Sambúðarsamningur er gerður milli aðila í óvígðri sambúð. Sambúðarsamningur getur komið í veg fyrir ágreining vegna fjárskipta síðar meir komi til sambúðarslita.

Það sem kveðið er á um í skilnaðarsamningi: Fjárskipti Umgengni við börn Meðlagsgreiðslur Forsjá barna

skattamal2

Framtalsgerð
Kærur og erindi

Framtalsgerð fyrir einstaklinga
Framtalsgerð fyrir sjálfstætt starfandi/einyrkja/rekstur á eigin kennitölu
Gerð framtala sem skila ber ár hvert
Gerð framtala aftur í tímann. Framtöl sem ekki hefur verið skilað á réttum tíma
Svör við fyrirspurnum og boðunum breytinga frá skattyfirvöldum

Kæra úrskurð ríkisskattstjóra til yfirskattanefndar
Kæra endurákvörðun ríkisskattstjóra til yfirskattanefndar
Kvörtun til Umboðsmanns Alþingis eftir úrskurð yfirskattanefndar
Erindi til ríkisskattstjóra um breytingu á ákvörðun um skattstofn eða álagningu – mest 6 ár aftur í tímann

stjornsyslumal

Stjórnsýslukæra
Kvörtun til Umboðsmanns Alþingis

Ákvarðanir stjórnvalda eru að meginreglu til kæranlegar til æðra stjórnvalds sem endurskoðar kærða ákvörðun. Hér koma nokkur dæmi um þá aðila sem hægt er að beina kæru til og þá málaflokka sem úrskurðað er í en upptalningin er alls ekki tæmandi.

Úrskurðarnefnd um upplýsingamál
Almannatryggingar
Atvinnuleysistryggingar

Barnaverndarmál
Félagsþjónusta
Fæðingarorlof
Greiðsluaðlögunarmál
Fjöleignarhús
Yfirskattanefnd

Hver sá sem telur stjórnvald eða einkaðila sem fengið hefur verið stjórnsýsluvald hafa beitt sig rangindum borið fram kvörtun við umboðsmann. Ef kvartað er út af ákvörðunum stjórnvalds, t.d. einhverrar opinberrar stofnunar, og unnt er að skjóta þeirri ákvörðun til hærra setts stjórnvalds, t.d. ráðuneytis, þá verður sá sem vill bera kvörtun fram að skjóta málinu fyrst til þess stjórnvalds, sem æðra er, áður en hann getur borið fram kvörtun við umboðsmann.

gjaldskra